NAGA CITY- Piglunsar kasuudma kan lokal na gobierno kan siyudad nin Naga an MYNAGA APP.
Obheto kan nasambitan lakdang na gibuhong mas marekas, madali asin mahewas an serbisyo na pigtatangro kan lokal na gobierno kun saen dae na kaipuhan pang magpasiring sa City Hall.
Sigun sa LGU-Naga, sa paagi kan MYNAGA APP madali naman an pagreport kan mga safety hazards o agrangay sa siyudad asin iba pang mga concern.
Ini soboot an user friendly man kaya madaling gamiton asin accessible pa an gabos na programa kan City Hall maski yaon saen na lugar.
Mientrastanto, Kasabay kaini an paglunsar man kan Naga Citizen’s Charter 2.0 na mahihiling man sa app.
Igwa ining katuyuhan na mas magin malinaw sa mga namamanwaan an mga serbisyo asin accountability kan mga opisina kan lokal na gobierno.
Apwera digde, sa Naga Citizen’s Charter 2.0 mas papupusugon an feedback method asin an citizen participation asin pagigin updated sa mga impormasyon kan mga Nagueño.
Siringman, igwa man mahihiling digde nin downloadable forms na giya sa mga serbisyo sa city hall asin emergency hotline.
Sa ngunyan, huli ta nasa development stage pa an app, piglalaoman na madudugan pa an mga serbisyo na itatangro kan nasambitan ng mobile application.
