NAGA CITY-Naoogma asin dakulang pasalamat kan alkalde kan banwaan nin Pili, Camarines Sur para sa mga ayuda na pigtatao kan DA-Bicol.
Sa entrevista kan Bombo Radyo Naga ki Pili Mayor Tom Bongalonta Jr, sinaysay kaini na an saindang banwaan an igwang poco mas o menos 300 hectares kan Corn Production, kun kaya an mga ayuda na gikan sa DA-Bicol an makakatabang para sa pananom asin sa mismong mga tawo.
Katakod kaini, igwa soboot nagbisita sa saindang lugar na nagheras kan saindang mga magkakanigong kaaraman sa mga corn farmers sa pangengenot kan saindang MAO asin kan mga personahe kan DA-Bicol.
Digde man pigbabasabot sa mga benispisyaryo an saindang mga dapat na gibuhon tanganing mas magin marhay pa an saindang pagtatanom.
Mientrastano, nagdestrebwer soboot kasuarin sana nin palay seeds an LGU-Pili para sa mga rehistradong paraoma tanganinga makatabang sa saindang pag-ooma.
Sa ngunyan, pigsierto na sana kan opisyal na padagos an saindang piggigibong mga programa tanganing makatabang sa pagpapa-uswag kan sektor nin agrikultura.
