Pig-inkaminar kan Department of the Interior and Local Government (DILG) an mga local government unit (LGU) na ipautob an preemptive o mandatory evacuation sa mga lugar na delikado antes an posibleng pagtama ni Bagyong Nando sa hilagang parte kan Luzon.
Sa sarong pahayag, pigtawan duon kan DILG an importansiya kan pagpapautob kan no-sail policy asin liquor ban para sa kasalbaduhan kan publiko.
Mientrastanto nagkakanigo man na siertuhon an mga lokal na ahensiya na preparado an mga evacuation centers, orog na sa suplay kan kuryente.
Pig-inkaminar man kan DILG an dagos-dagos na pag-monitor sa kamutakan kan panahon, preparasyon kan mga health unit asin response team, asin paglilinig kan mga agihan kan tubig tangani malikayan an peligro.
Apwera digde, parte kan mga kinakaipuhang lakdang iyo an inspeksyon sa mga quarry asin mining site, asin pag-analisar sa katatagan kan mga dam.
