NAGA CITY – Padagos an pagkundusir kan libreng eyecare program katakod kan medical mission kan sarong opisyal sa Calabanga, Camarines Sur.
Sa entrevista kan Bombo Radyo Naga ki Vic De Villa, Vice Mayor kan nasambitan ng banwaan, pigsaysay kaini na ini kan 2019 pa kan magtukaw ini komo Bise alkalde ini tulos an saiyang naisipan na dugang serbisyo kan saiyang opisina.
Ini nin huli ta dae nahahali sa mga residente na nagrarani sa saindang opisina tanganing maghagad nin tabang dapit sa saindang kahelangan na namamate siring kan problema sa mata.
Kinakaipohan sanang magpasiring sa saiyang opisina asin sinda na an matao nin schedule para sa check up. Kun saen, kadakol naman an nakaresiber kan siring na programa mantang duwa naman an naoperahan sa mata.
Kasabay kaini, padagos man an saindang pigsasagibong medical service na saro man sa saindang pigtututukan, katuwang naman an iba pang ahensiya kan gobierno.
Mga taga Calabangga sana an pupwedeng mag-avail kaini. An nasambitan naman na programa an para sa gabos na residente kan banwaan.
