NAGA CITY- Pigkonektar kan Department of Information and Communications Technology (DICT) an gabos na lokal na gobierno sa Rehiyong Bicol para sa Free Wi-Fi for All program kan ahensiya.
Obheto soboot kan nasambitan ng lakdang na ihatod an digital na pag-access sa internet magin sa mga hararayo asin liblib na lugar sa Bicol region.
Sigun ki Odine Raphael Areola, Free Wi-Fi for All Project focal person kan DICT Region V, labi 500 na free Wi-Fi sites an pig-deployed sa 873 key locations kun saen pigsisierto na an gabos na probinsiya, siyudad asin municipal governments na pigbibilog kan 1,000 barangays an konektado.
An installations kinababalihan kan nasa 617 fiber optic connections, 250 Starlink units para sa pig-aapod na geographically isolated and disadvantaged areas (GIDAs), asin kadakol naLTE routers, an maserbe sa mga hararayo nang areas.
Pigsaysay kan DICT na obheto ninda na pahewason pa an internet connection kun saen target pa kan ahensiya an dugang na 1,500 bagong free Wi-Fi sites sa bilog na Rehiyon sa taong 2026.
Apwera digde, padagos man an pigukundusir na libreng pa-training kan ahensiya mapa online o personal dapit sa cybersecurity, salbdong online practices, asin digital skills.
Sa ngunyan, pigsierto na sana ni Areola na padagos an mga lakdang na saindang ginigibo tanganing mautob an gabos na programa sa presenteng taon.
