Pig anunsyar kan Metro Rail Transit-3 (MRT-3) asin man kan Light Rail Transit-2 (LRT-2) kan nakalihis na aldaw nin Huwebes na maalok sinda nin libreng sakay sa war veterans asin sa saindang mga kaiba magpuon ngunyan na aldaw hasta sa Abril 11, 2025 sa pagselebrar man kan 83rd Day of Valor asin Philippine Veterans Week.
Tangani maka-avail nin libreng sakay, dapat ipahiling kan mga beterano sa security personnel sa kada istasyon an saindang valid ID gikan sa Philippine Veterans Affairs Office (PVAO).
Mapuon an libreng MRT-3 rides pasado alas 4:30 nin pagkaaga hasta 10:30 nin pagkabanggi sa North Avenue Station, asin man alas 5:05 am hasta 11:09 nin pagkabanggi sa Taft Avenue Station.
Mientrastanto, an nasambitan ng libreng sakay sa LRT-2 para sa mga beterano asin mga kaiba ninda an gugulong nin bilog na aldaw sa nasambitan ng semana.
Siringman, sinabi kan LRT-2 na maalok ini nin libreng sakay sa publiko sa Abril 9 puon alas 7:00 nin aga hasta alas 9:00 asin man magpuon alas 5:00 nin hapon hasta alas 7:00 nin pagkabanggi
