NAGA CITY- Pighihiling kan Naga City Police Office an posibilidad kan pagpapautob nin liquor ban sa maabot na Peñafrancia Fiesta partikular sa traslacion asin fluvial procession.
Sigun ki PLTCOL. Chester Pomar, PIO kan NCPO, sinaysay kaini na nag-request na soboot sinda sa lokal na gobierno kan siyudad nin Naga na maipautob an nasambitan ng liquor ban.
An lakdang na ini an makakatabang tanganing malikayan an mga aksidente na posibleng magbungkaras sa panahon kan kasiributan.
Dugang pa kan opisyal, aminado man an saindang lado na dae gabos mapupugulan sa pag-inom nin arak orog na ta an iba soboot sa mga ini an nakabakal na haros duwang bulan antes an aktibidad.
Alagad, kahagadan kan nasambitan ng hepatura sa publiko na makisumaro sa saindang kamawotan para sa mas matuninong asin salbadong pagkundisir kan Peñafrancia Festival ngunyan na taon.
Mientrastanto, para man sa piglalaoman na augmentation forces gikan sa Regional Office nakatalaan na mag-abot an mga ini sa maabot na September 11, 2025.
An mga ini an maserbeng dugang na pwersa tanganing magin salbado an bilog na durasyon kan pagselebrar kan taunang kafiestahan ni Ina Peñafrancia.
