Pinangenotan ni Cardinal Giovanni Battista Re, Dean of the College of Cardinals an Easter Vigil sa St Peter’s Basilica.
Pigbasa ni Cardinal Re an homily ni Pope Francis kun saen sinaysay kan santo papa na an pagselebrar na ini an nagpapagiromdom sa gabos na an liwanag kan pagkabuhay iyo an nagliliwanag sa satuyang mga dalan asin sa satuyang mga puso.
Sa mensahe pa ni Pope Francis, sinaysay kaini na an liwanag kan liwat na pagkabuhay, nangangapodan para sa simbag kan sarong mapagkumbabang pananampalataya.
An pagkabuhay soboot an garo sadit na binhi kan liwanag na padikit-dikit asin toninong na nag-uugat sa sa satuyang mga puso, kun minsan biktima pa man kan kadikloman asin kawaran nin pananampalataya.
Punto pa kan Santo Papa, an liwanag kan Pagkabuhay an nagtatabang sa satuya na hampangon an mga bangging nananahan sa satuyang mga puso asin anino kan kagadanan na kadalasang nagpapatos sa kinaban.
Dugang pa kaini, ipinagkatiwala sa satuya an saradit na binhi kan liwanag tanganing ini an protehiran asin mag-uswag.
