NAGA CITY – Pig kan lokal na gobyerno kan syudad nin Naga an pagpautob nin sarong programa katakod sa kalinigan sa syudad. Sa entrevista kan Bombo Radyo Naga ki Environmental Planner Marvin J. Sagun – Acting City ENRO (Environment and Natural Resources Office), sinaysay kaini na ongoing sa presete an saindang pagkundusir nin aktibidad sa pag mantinir kan mga kakahuyan sa lugar orog na an mga yaon sa pig-aagihan kan mga tawo.
An saidnang opisina regular an pagsasagibo kan trimming activities tangani mahali an mga marupok na sanga kan mga puon kan kahoy orog na ta ini an saro sa mga pwedeng magin kawsa kan mga aksidente.
Saro pa sa pigtutulod na programa kan saidnang opisina iyo an pag identify kan mga lugar o bakanteng lote na pwedeng bugtakan o tanuman nin mga kahoy.
Huli sa mga nakalihis na raot nin panahon na naeksperyensyahan sa syudad, kaya man nakapagbilog sinda nin mga programa na pwedeng mag simbag sa malalang danyos na iwawalat kan mga ini.
Saro digde an paglilinig sa mga baradong drainges o kanal, pag accumulate kan mga waterlilies, regular na pglilinig sa mga creek asin iba pa.
Mientrastanto, pigmawot kan alkalde kan syudad na si Naga City Mayor Leni Robredo an pagpautob kan Cleaner, Greener, and Flood Resilient Naga City kun saen naka inline man igde an ibang mga manlaen-laeng programa asin polisiya na dapat ipautob kan saidnang opisina tangani ma-achive an nasambitan ng kamawotan
