Lola gadan makalihis na mabangga kan motorsiklo sa Naga City

NAGA CITY- Gadan an sarong 50-anyos na lola makalihis na mabangga nin motorsiklo na minamaneho kan sarong estudyante sa ciudad nin Naga.

Binisto an biktima na si Carolina Quimson, 50-anyos.

Binabagtas suboot kan motorsiklo na minamaneho ni Christian Fabricante, 24-anyos an tinampo sa barangay Pacol kan aksidente kaining mabangga an nagbabalyo na biktima.

Nagsapo nin lugad sa saiyang lawas an biktima na tulos man na pigdalagan sa ospital alagad pigdeklarar na ining dead on arrival kan mga doktor.

Sa ngonyan, yaon na sa kostudiya kan mga kapulisan an nasambitang driver mantang inaandam na an kasong isasangat laban sa saiya.