Lola gadan makalihis na mabangga sa Tayabas City

NAGA CITY- Gadan an sarong lola makalihis na mabangga nin sarong lunadan sa ciudad nin Tayabas.

Binisto an biktima na si Remedios Oabel, 79-anyos.

Sa nakuang impormasyon kan Bombo Radyo Naga, napag-araman na pabalyo kuta na sa tinampo sa barangay Kanlurang Palale an biktima kan aksidente ining mabangga nin sarong Isuzu Dmax na minamaneho ni Narciso Sangkal, 54-anyos.

Naidalagan pa sa ospital an nasambitang biktima alagad binawian man sana ini nin buhay mantang binubulong kan mga doktor.

Nagkaareglo man an pamilya kan biktima asin an driver kan nasambitang bihikulo katakod kan nangyaring aksidente.