NAGA CITY- Hinold-up an sarong gurang na babae mantang naglalakaw pasiring sa kasentrohan kan banwaan nin Pili, Camarines Sur.
Binisto an biktimang si Helenitalturrios Brondial, 56-anyos.
Basado sa imbestigasyon kan Pili-PNP, naglalakaw si Brondial pasiring sa kasentrohan kan banwaan kan mag-untok sa atubangan kaini an duwang dae pa nabibistong lalaki na lunad nin itom na motorsiklo.
Armado suboot nin badil an mga ini kan magdeklarar nin holdup.
Nilalay kan mga suspetsado an bag kan biktima na naglalaog nin cellphone, cash na labi sa P1,000 asin iba pang mga personal na gamit.
Marikas man na nagdulag an mga holdapers makalihis an insidente pasiring sa sur na direksyon.
Niladawan kan biktima an saro sa mga suspek na igwang langkaw na 5’4’’, sadit an lawas, nakasulot nin kolor blue na shorts, stripes na jacket asin kolor itom na helmet.
Padagos ngonyan an imbestigasyon kan pulisya para madakop an mga suspetsado.
