NAGA CITY– Nagsapo nin mga paso sa saiyang lawas an sarong senior citizen makalihis na masulo an saiyang harong sa Barangay Ponon, Atimonan, Quezon.
Binisto an biktimang si Romeo Amandy, 69-anyos.
Sa nagunong impormasyon kan Bombo Radyo Naga, napag-araman na alas 11:00 kasubanggi kan magpuon an kasulo sa pagrurugaring ni Amandy.
Susog sa Atimonan-PNP, nasibo an kalayo kan mga tawo sa lugar alagad idinalagan sa ospital an biktima makalihis na masulo an nagkapirang parte kan saiyang lawas.
Pigkakarkulong maabot sa P20,000 an winalat na danyos kan kasulo na pigsasabing resulta kan nag-overheat na electricfan.
Mayo man suboot nin nadamay sa insidente kundi an bungalow na harong kan biktima.
