Aram baya nindo mga ka-bombo, sarong 80-anyos na lola gikan sa Yekaterinburg, Russia an maswerte na nakasalabar makalihis na mahulog gikan sa bintana kan sixth-floor apartment asin mag-landing sa atop kan sarong nakaparadang lunadan.
An nasambitan ng aksidente an nangyari kasuarin sana kun saen mantang naglilinig soboot an dae na pinangaranan na Lola sa bintana kan saiyang apartment kan aksidente ining mahulog asin mag-landing sa atop kan sarong lunadan na pagsasadiri kan saiyang kapitbahay.
An makakilhag na insidente na ini an nakuanan kan CCTV cameras asin naglakop sa mga social media.
Mahihiling sa video na makalihis na maglanding sa atop kan naka-parked na lunadan, an 80-anyos na lola an nagkamang asin naglakaw pababa sa nasambitan ng lunadan.
Mayo man sinapo na maski anong lugad sa saiyang lawas an Lola alagad ini an naghagad nin tabang sa saiyang mga kapitbahay tanganing maidara sa ospital tanganing magpa-check up asin masierto na nasa marhay na kamutagkan an saiyang lawas.
Mientrastanto, basado man sa imbestigasyon kan mga kapulisan mayo man sinyales kan foul play sa insidente alagad nagtitinir na misteryo kun pano nakalsabar an Lola sa pagkakahulog maski nasa 80-anyos na an saiyang edad.
