Aram baya nindo mga ka-bombo, sarong 68-anyos na Lola an pigdara sa korte kan saiyang kapitbahay huli sa reklamo na sistematikong pagpapapakan sa ataman kaining Ikos sa laog nin haros pirang bulan.
An kakaibang istorya na ini an nagyari sa Zurich, kun saen pig-akusaran kan sarong babae an saiyang kapitbahaynin pang-aakit sa saiyang ataman na Ikos sa paagi kan pagpapakakan digde sa laog kan 10 bulan para sa intensyon na habunon an nasambitan ng hayop.
Sigun sa babae, pirang beses na soboot kaining pigpadarahan nin surat an dae na pinangaranan na Lola na nakikulay na untukan na an pagpapakakan sa saiyang ataman na si Leo alagad dae soboot nagsusunod an nasambitan ng pensioner.
Apwera digde, nag-install pa soboot na Lola nin cat flap sa saiyag pintuan tanganing magdulog an Ikos.
Huli kaini, an nasambitan ng Ikos an nag-untok na sa pagbwelta sa saiyang orihinal na may-sadiri asin magin an pigpreparar na pagkakan an dae na nahihiro.
Digde na nagsunad nin reklamong kriminal an babae kontra sa nasambitan ng Lola kun saen pigsugo man kan public prosecutor’s office na magbayad ini nin 800 Swiss francs o $950 kasabay kan pag-isyu nin suspended fine na 3600 francs o $4,273 para sa pig-aapod na unlawful appropriation.
Alagad an 68-anyos na Lola an nagsayuma na magbayad kaya nag-abot sa korte an kaso.
Sigun sa Swiss law, an pagpapakakan sa Ikos kan ibang tawo an dae man punishable offence alagad kun ginigibo ini sistematiko asin igwang ibang intensyon posible soboot mahampang sa legal na consequences, huli ta an mga Ikos an pigkokonsederar na pagsasadiring property asin an pang-aakit sa sainda sa paagi kan pagkakan an pigkokonsederar na unlawful appropriation.
