NAGA CITY- Pigbibilaran na ngonyan an bangkay nin sarong parasira makalihis na magtaob an nilulunadan kaining baroto sa kadagatang sakop kan Barangay San Roque, Mercedes Camarines Norte.
Binisto an biktima na si Antonio Cabague, 70-anyos.
Sa nakuang impormasyon kan Bombo Radyo Naga hale sa Camarines Norte Police Provincial Office (CNPPO), napag-araman na sarong Lito Estrella, 48-anyos an naglawod sa kadagatan lunad kan saiyang motorized fishing boat pasiring sa Mercedes Fish port kan mahiling kaini an bangkay ni Cabague.
Katakod kaini, tulos man na pigdara ni Estrella an bangkay sa mga otoridad.
Susog sa pamilya kan biktima, naghale suboot si Cabague lunad nin sadit na paddle boat pasiring sa Fish port kan biglang magtaob an piglulunada kainin huli sa makukusog na hukol.
Nahulog suboot an biktima sa tubig na nagin dalan para malamos ini asin magadan.
