Lolo gadan makalihis malamos mantang nagsisira sa Quezon

NAGA CITY– Gadan an sarong lolo makalihis na malamos mantang nagsisira kaiba an saiyang tugang sa kadagatan kan Atimonan, Quezon.

Binisto an biktima na si Rogelio Sereno, 70-anyos.

Sa nakauang impormasyon kan Bombo Radyo Naga, napag-araman na naki-iba suboot an biktima sa tugang kaini na si Jaime tanganing magsira sa kadagatang sakop kan Barangay Buhangin sa nasambitan nang lugar.

Mantang nagsisira suboot an magtugang dae suboot narisa ni Jaime na nahulog na sa tubig an biktima asin nahiling niya na palataw-lataw an hawak ni Rogelio.

Dinalagan pa sa ospital si Rogelio alagad dineklara na ining dead on arrival kan mga doktor.

Mayo nahihiling na fould play an PNP-Atimonan sa pangyayari.