Lolo gadan makalihis malamos sa Bicol River

NAGA CITY- Gadan na kan madukayan an sarong lolo makalihis malamos sa Bicol River sa may Barangay Alimbuyog, Milaor Camarines Sur.

Binisto an biktima na si Buenvinido Azares, 67-anyos.

Sa entrevista kan Bombo Radyo Naga ki PSI Dominic Borigas, hepe kan Milaor-PNP, sinaysay kaini na nagtukaw soboot si Azares sa riprap kan nasambitan ng salog alagad aksidente

ining nahulog.

Huli ta bago pa sanang uran hararom asin makusog soboot an sulog kan tubig kung kaya nadara kaini an biktima.

Sigon sa opisyal, basado sa saindang pakikipag-ulay sa nakahiling sa pangyayari, naghagad pa man kuta na nin tabang an biktima alagad huli ta nasa ibong ining parte kan salog, dae

man tulos ini natabangan hasta sa dagos nang malamos.