Lolo irido makalihis na mahagop nin motorsiklo sa Camarines Sur

NAGA CITY- Irido an sarong lolo makalihis na mahagop nin motorsiklo sa kalabaan nin tinampo sa barangay San Isidro, Magarao, Camarines Sur.

Binisto an persona na si Sebastian Luna, 67 anyos.

Sa nagunong impormasyon kan Bombo Radyo Naga, napag-araman na pabalyo nin tinampo si Luna kan bigla na sana ining mahagop kan motorsiklo na minamaneho ni Rene Casumpang, 27 anyos.

Huli digdi, nagsapo nin lugad sa saiyang lawas an biktima na tulos man pigdalagan sa ospital.

Sa ngonyan, nagpapadagos pa an imbestigasyon kan mga otoridad sa nasambitang insidente.