Longest serving female teacher, manunutaran sa Tennessee, U.S.A.

Aram baya nindo mga ka-Bombo na sarong 84-anyos na retirasong paratukdo asin librarian gikan sa Tennessee, U.S.A. an ginawaran nin Guinness World Records makalihis na matapos na magserbi nin 61-taon sa Westmoreland High School.

Si Glenda Akin, na nagpuon kan taong 1953, an binisto komo “longest serving female teacher at a single school.”

Pigkokonsiderar kaining pamilya an komunidad kan eskwelahan asin nagtitinir na masigasig sa pagtutukdo puon sa blackboard hasta computer.

Bistado man ini sa pagtutol sa book banning asin sa ibong kan pagreretiro, padagos ining nagbo-volunteer sa library — patunay kan saiyang mayong katapusang pagkamoot sa edukasyon.