Igwa nin kantidad na labi sa $100 an mga alahas na hinabon sa Louvre Museum sa Paris, sigun sa sarong French prosecutor kan nakalihis na aldaw nin Martes.
An direktor kan museo na si Laurence des Cars, an pinagha-hanapan nin kasimbagan sa Senado manungod sa seguridad kan nasambitan ng museo makalihis an panghahabon. Dae pa nagluluwas nin ano man na pahayag an magpuon kan mangyari an paghahabon kan mga royal jewels sa laog sana nin pitong minuto.
An Louvre mabukas liwat sa publiko sa makalihis an duwang aldaw na pagsasarado para sa imbestigasyon.
Liwat man na nagkawsa nin debate an harabunan dapit sa kakulangan nin seguridad sa mga museo sa France, makalihis na duwang iba pang institusyon an tinamaan kan nakalihis na bulan.
Susog sa Louvre curator, an danyos an pigkakarkulong 88 milyong euros o $102 milyon, sigun sa Paris prosecutor na si Laure Beccuau.
Mientrastanto kadakol na mga imbestigador an nag-iimbestigar sa mga suspek sa insidente, na nagtutubod na sarong grupo kan mga organisadong kriminal na naglalaog sa museum.
Marurumdumang si Des Cars, na namamayo sa Louvre magpuon kan taong 2021, an mahampang sa Senate’s culture committee tangani magtaong kasimbagan dapit sa seguridad kan nasambitan ng museo