Pig-aprobaran na kan Land Transportation Franchising and Regulatory Board an nasa 1,018 special permits sa mga mabyaheng bus ngunyan na Semana Santa.
Boot sabihon, pwede man sindang magpasada sa ibang ruta orog na ta piglalaoman an bulos kan mga pasaherong mauli sa kaniya-kaniya nindang mga probinsiya.
Sigun ki LTFRB Chairperson Teofilo Guadiz III, an permit na ini an igwang bisa puon Abril 11 hasta 27.
An permit na ini an para sa mga bus na gikan sa Metro Manila pasiring sa manlaen-laen na probinsiya.
Makakatabang an permit na ini na masierto na magigin bastante an mga bus na mahatod kan dagsang pasahero.
Nagsagibo na man an LTFRB nin random inspection sa mga public utility vehicles asin transport terminals tanganing masierto na salbado an mga pasahero komo parte kan pagpreparar sa Semana Santa.
Nagpagiromdom man an opisyal kan ahensiya na likayan an pagdadara nin asin ipinagbabawal na gamit tanganing dae maabala an saindang biyahe.
