Pigsierto kan Land Transportation Office (LTO) asin Land Transportation Franchising and Regulatory Board (LTFRB) an ganap kan speed limiter sa mga pampublikong behikulo o Public Utility Vehicles (PUVs).
Sigun ki LTO Chief Assistant Secretary Atty. Vigor D. Mendoza II, taong 2016 pa kan isaley an Road Speed Limiter Act, alagad dae pa puspusan an pagpapautob digdi.
Soboot, obheto kan ley na ibusol an mga salbado na paglalakbay para sa mga pasahero. Siringman, tanganing ilangkaw an pamantayan kan kasalbadohan sa mga pampublikong transportasyon sa bilog na nasyon. An ley an ipinautob komo parte kan interbensyon kan gobierno sa mga aksidente sa tinampo.
Basado sa datos kan World Health Organization, nasa 1.3 milyong indibidwal an nagagadan sa mga aksidente sa tinampo sa bilog na kinaban mantang pantang nasa pag-ultanan kan 20 milyon hasta 50 milyon an nalulugadan.
