NAGA CITY- Nakatalaang mag-release an LTO-Naga nin mga plaka para sa mga pribadong behikulo sa aga, June 21, 2025.
Sa entrevista kan Bombo Radyo Naga ki Grace Rojas, Chief kan LTO-Naga, sinaysay kaini na an mga naggagamit nin temporary plate partikular sa pribadong mga behikulo an kaipuhan na magpasiring sa saindang opisina sa aga tanganing makapag-avail kan nasambitan ng release.
Sigun ki Rojas, ini an ikukundusir puon alas 9 nin aga hasta alas 4 nin pagkahapon.
Katakod digde, kaipuhan soboot na darahon an ORCR o an Official Receipt and Certificate of Registration tanganing mas marekas an proseso.
Mientrastanto, pigheras man kan opisyal na sinda an nagkundusir nin pagbisita sa may parte kan Almeda Highway orog na sa mga operators kan mga truck na ginigibong parking area an bakanteng area sa nasambitan ng tinampo.
Pigsaysay ni Rojaz na sinda an nagkundusir nin information drive tanganing mayo na soboot rason an mga ini na dae aram na ipinagbabawal an pag-park sa mga highway.
Sa sunod kaya na saindang pagbisita asin igwa pang mahiling na nagbalgar an dadakupon na kan saindang mga personahe.
Obheto soboot kan nasambitan ng lakdang na malikayan an mga aksidente orog na sa mga highway.
Sa ngunyan, hagad na sana kan opisyal an kooperasyon kan publiko para sa kasalbaduhan kan gabos.
