NAGA CITY – Padagos an pagirumdom kan Land Transportation Office (LTO)-Naga sa mga byahero na magsunod sa mga panundunan katakod sa mga naikukurit na aksidente sa tinampo.
Sa entrevista kan Bombo Radyo Naga ki Grace Rojas, Chief kan LTO-Naga, sinaysay kaini na natapos na an saindang Oplan Byaheng Ayos, kun saen, nagkapirang aksidente man an ikurit partikulamente na an aksidente na nagbungkaras sa banwaan kan Lupi.
Apwera pa digdi, dakol man an natawan nin ticket kan saindang mga personahes huli sa pagbalgar sa batas-trapiko. Kadaklan soboot sa mga ini an pag-overtake nin mga alanganin, loaded, asin dae nakasetbealt.
Huli digdi, liwat na nagpagirumdom an opisyal sa mga motorista na likayan an pagpaparekas nin pagdalagan kan behikulo orog na ta ini an kadalasang nagkakawsa kan mga aksidente sa tinampo.
