Pinangenotan kan Land Transportation Office kan nakalihis na aldaw, Disyembre 2, 2024 an pagsagibo kan public consultation manungod sa guidelines sa paglilipat kan vehicle registration.
Kaiba sa mga pigkakahampang kan ahensiya an manlaen-laen kaining stakeholders.
Target na maamyendahan kan LTO an mga guidelines para sa mga seller asin buyer kan mga used cars na dae na naibabalyo o tuyong dae pigbalyo an vehicle ownership registration.
Nagpartisipar sa nasambitan ng public consultation an pirang mga biker groups, financial institutions, banks, motor vehicle, dealer asin iba pang mga transport group sa nasyon.
Sa nagin pahayag kan LTO, an lakdang na ini an obhetong gibuhong marhay asin marekas an proseso kan vehicle registration sa Pilipinas. K
un marurumduman, pigsuspinde kan ahensya an AO No. VDM-2024-046 na kun saen an nagpapataw nin dakulang multa sa buyer asin seller kan used cars na dae mareport sa LTO kan barakalan kan lunadan asin dae maglipat sa rehistro kan lunadan sa nakabakal kaini.
