Istriktong ipapautob ngunyan na aldaw, Enero 2 kan Land Transportation Office (LTO) an pagsita sa mge electric tricycles, o e-trikes sa mga primerong tinampo kan Metro Manila.
An mga primerong tinampo an kinababalihan kan kalabaan kan Quirino Avenue pasiring Magallanes hasta South Luzon Expressway, Epifanio de los Santos Avenue, C-5 Road asin Roxas Boulevard.
Sigun ki LTO Chief, Assistant Secretary Markus V. Lacanilao na an nasambitan ng pagbabawal an para na man sa kasalbaduhan kan mga may kansadiri kan e-bike huli ta an nasambitan ng mga tinampo an ginibo para sa mga marerekas na lunadan.
Mapalakop sinda nin mga enforcers sa mga kritikal na lugar tanganing tawan nin impormasyon an mga motorista asin masierto na ipinapautob nin tama an ley.
An mga maarestar na nagmamaneho nin e-trikes sa pinagbabawal na lugar an mahahampang sa padusa kaibahan na an pagmumulta asin an posibilidad na pag-impound kan saindang lunadan.
