Pigposte kan 25-anyos na si Dallas superstar an saiyang ika-siyam na 40-point triple-double sa nagin kapangganahan kan Dallas Mavericks kontra Golden State Warriors.
Naggibo an pigkokonsiderar na LukaMagic nin 45 points, 11 rebounds, asin 13 assists, dalan tanganing maibulsa kan Mavs an ika-17 kapangganahan ngunyan na season. An 3-pointer nailaog ni Luka gikan sa 11 attempts, kaiba an pitong free throws. Dakulang tabang man an presensiya kan dating Warriors guard na si Klay Thompson na naglaog nin pitong 3-pointers gikan sa 11 pinakawalan. Sa Warriors, dae nag-obra an 26 points asin sampulong assists na nagibo kan superstar na si Stephen Curry, kaiba an 29 points na ambag ni Andrew Wiggins. Magin an 21 points kan defensive specialist na si Draymond Green an dae man bastante tanganing isalbar an Warriors gikan sa ika-11 pagkadaog ninda ngunyan na season.
Parehong naikurit kan duwang koponan an labi 50% na 3-pt percentage kun saen 27 3-pointers an inilaog kan GS mantang 21 man an nagibo kan Mavs sa kabilogan na laban.
Sa ibong kaini, nahampang an Warriors sa dakol na free throw na iginawad sa Dallas.
Nag-abot kaya sa 25 calls an itinao sa Mavs mantang sulamenteng 11 sana an pig-apod sa GS.
An pinag-ibang 48 3-pointer na nailaog kan duwang koponan an panibagong record sa NBA bomo pinakadakol na 3-pointer na nailaog kan magkalabang koponan sa historya kan liga. Gikan sa 48 tres, 18 digdi an nailaog kan Warriors sa premirong half kan laban.
