Nagtitinir an suporta kan grupong Mayors for Good Governance (M4GG) sa nagin desisyon ni Baguio City Mayor Benjamin Magalong na magbutas komo miyembro kan Independent Commission for Infrastructure (ICI), kasunod kan mga isyung naglalala sa soboot ghost asin substandard projects.
Sigun sa grupo, binisto ninda an paninindugan ni Magalong para sa transparency asin accountability, asin nagtutubod sindang parte ini nin mas mahewas na laban para sa marahay na pamamayo.
Nagluwas man nin pahayag an Quezon City government na nagpapaabot nin tiwala ki Magalong komo convenor kan M4GG asin katabang sa pagbubusol nin reporma sa gobyerno.
Katakod kaini, inanunsyar kan mga alkalde an plano nindang magsagibo nin sadiring imbestigasyon sa mga proyektong tinutukoy ni Magalong, asin nagpromisang iheheras an mga resulta sa ICI tangani makatabang sa mas hararom na pagsusuri.
Pighurot kan grupo na dae dapat balewalaon an mga alegasyon, orog na ta igwa nin epekto ini sa tiwala kan publiko sa mga proyekto kan gobyerno.
Nangapudan man an M4GG sa iba pang lokal na opisyal na magin mapagmatyag asin makisumaro sa pagbubusol nin integridad sa serbisyo publiko.
Sa ibong kan pagbubutas, nagtitinir si Magalong komo aktibong lider kan Mayors for Good Governance asin padagos na mabusol nin mga inisyatibo para sa good governance.
