NAGA CITY- Mapakol sa 2,000 benepisyaryo kan Department of Social Welfare and Development Bicol an nakareseber nin kabilugang P15.5 million para sa saindang pagpartisipar sa water and food security projects kan ahensiya.
Sigun ki Claudio Villarreal, pamayo kan Disaster Response and Management Division kan DSWD-Bicol, an mga nasambitan ng mga benipisyaryo an pigkua para sa proyekto na Local Adaptation to Water Access asin Breaking Insufficiency through Nutritious Harvest (BINHI).
An mga benepisyaryo an gikan sa manlaen-laen na banwaan sa bilog na Rehiyong Bikol siring kan Libmanan, Camarines Sur na igwang 100 na partisipantes.
An mga kapartner na beneficiary an nakareseber nin P7,900 kada saro para sa saindang pagpartisipar sa 20 aldaw na implementasyon kan programa.
An payout na ini, nagseserbeng dugang na income asin pinansyal na suporta sa saindang mga pamilya.
Mientrastanto, sa nasambitan ng programa, pigkriar an artificial na mapagkukuanan nin tubig asin pag-establisar kan plantations para sa pagkultibar kan mga pananom na nagpo-produce nin pagkakan.
An gabos na mga areas an igwang sadit na farm reservoirs na igwang stocked na tilapia fingerlings asin an kada lokasyon an igwang mga hardin na igwang tanom na disaster-resilient crops.
Sa ngunyan, igwa pa soboot ikukundusir na payout an Department of Social Welfare and Development Bicol para sa mga nagpartisipar na benepisyaryo.
