NAGA CITY– Irido an tolong katao kabale na an duwang mga menor de edad makalihis maaksidente an nilulunadang motorsiklo sa Nabua, Camarines Sur.
Binisto an mga irigo na sinda Ariel Rabo, 40-anyos; an 11-anyos asin 6-anyos na mga aki kaini.
Sa nagunong impormasyon kan Bombo Radyo Naga, napag araman na binabagtas kan motorsiklo na minamaneho ni Rabo kan mawaran ining balanse sa lubak lubak na tinampo sa barangay San Antonio Poblacion.
Nagsapo nin lugad sa saindang lawas an driver kan motorsiklo siring na man an duwang aki kaini asin tulos idinalagan ospital.
Sa ngunian, nagpapadagos pa an imbestigasyon kan mga kapulisan manungod sa nasambitan ng pangyayari.
