Mag-agom arestado sa buy-bust ops sa CamSur

NAGA CITY- Arestado an mag-agom makalihis an pigkondusir na anti-illegal drug operation kan mga kapulisan sa Magarao, Camarines Sur.

Binisto an mga suspek na sinda Jayson asin Jemmalyn Namora.

Pigkondusir kan mga kapulisan an buy-bust operation sa barangay Lucia na nagresulta sa pagkakaarestar sa mag-agom.

Nakumpiskar sa mga ini an sarong medium size na sachet kan pigtutubudang shabu asin mga drug paraphernalia.

Nagtitinir na ngonyan sa kostudiya kan mga kapulisan an mga suspek mantang inaandam na an kasong isasangat laban sa mga ini.