Inihayag kan Department of Justice na isinairarom na sa Witness Protection Program an mag-agom na Curlee asin Sara Discaya kaiba pati nagkapirang mga dating opisyal kan Department of Public Works and Highways.
Kinumpirmar mismo ini kan presenteng sekretaryo kan kagawaran na si Justice Secretary Jesus Crispin ‘Boying’ Remulla kasunod kan pagbisita kan mga ini sa saindang tanggapan.
Apwera sa mag-agom na Discaya, kabali digde sinda former Department of Public Works and Highways Bulacan 1st District Engineer Henry Alcantara, Brice Hernandez asin Jaypee Mendoza.
Kaya man huli digde, pigheras pa ni Justice Secretary Remulla na pigkokonsiderar komo mga ‘protected witnesses’ na an mga nabanggit na indibidwal.
Huli man digde, nagpadara sinda nin surat ki Senate President Vicente ‘Tito’ Sotto III tangani maipaaram an manungod sa kasabay kan mga imbestigasyong isinasagibo.
Alagad pigtawan duon kan sekretaryo na an lakdang na ini an bakong nangangahulugang state witness na sinda kundi para sana tangani mas makakua pa nin dugang na impormasyon sa pag-iimbestigar.
Mientrastanto, nag abot man ngunyan na aldaw si former Department of Public Works and Highways assistant district engineer Brice Hernandez sa Department of Justice.
Dara-dara kaini an saiyang CPU na iyong sinuri asin kinuanan na kan kagawaran kan mga impormasyon posibleng makatabang sa imbestigasyong isinasagibo.
