Nag-abot na sa Department of Justice an mag-agom na Pacifico ‘Curlee’ asin Cezarah ‘Sarah’ Discaya ngunyan na aldaw.
Enot na nag abot si Curlee Discaya pasado alas-otso nin pagkaaga kaiba an mga bantay gikan sa Senado o an Senate Sergeant-at-Arms tangani mamantinir an seguridad.
Mantang inaasiste asin man bantay sarado ini kan mga awtoridad, kapansin-pansin an sulot kaining bullet-proof vest sa saiyang pagbisita. Pasado alas-dyis man antes pagkaudto an pagsunod kan saiyang agom na si Sarah Discaya sa kagawaran.
Kaiba kan mag agom na Discaya an saindang abogadong si Atty. Cornelio Samaniego sa pagbisita kan duwa sa opisina kan kagawaran.
Obheto nindang isumiter an aplikasyon para sa government protection na masierto sa kasalbaduhan kan testigo asin sa integridad kan saiyang testimonya sa padagos na imbestigasyon kan Senate Blue Ribbon Committee.
Na-cite in contempt kan Senate Blue Ribbon Committee si Discaya kan nakalihis na aldaw makalihis soboot ining magtao nin dae tamang pahayag dapit sa kawaran nin presensya kan saiyang agom sa pagdangog.
Sigun sa komite, kaipuhang tapat asin kumpleto an mga deklarasyon kan mga testigo tangani masiguro an katarungan sa kaso kan anomalya sa flood control projects.
Sinabi ni Justice Assistant Secretary Mico Clavano, isasairarom sa masusing pagsusuri kan DOJ an aplikasyon ni Discaya tangani masierto an bisa kan Witness Protection Program asin an kredibilidad kan resource person.
Kasunod kaini, sisiguraduhon kan DOJ na dae mamimili sa paglalahad kan impormasyon tangani man mailahad nin bilog an katotohanan sa kaso.
