Pigbuyagyag ngunyan kan kapulisan sa Australia na nagsabay nin pirang bulan sa Australia an mag-amang suspek sa Bondi Beach shooting. Sigun sa Australian police na pirang bulan man na nagplano an mag-ama para sa sainda ng pag-atake.
Nahiling sa video kan cellphone kan mga suspek an pagsasanay kan pambabadil kan nakalihis na Oktubre kun saen mahihiling an watawat kan Islamic State group (ISIS).
Nasundan na nin kasong 15 counts of murder asin terror an 24-anyos na suspek na si Naveed Akram, mantang an ama kaini na si Sajid Akram an binawian na nin buhay.
Marurumdumang 15 katawo an binawian nin buhay huli sa mayong habas na ginibong pambabadil kan mag-amang suspek.
Nakua sa lunadan kan mga ini an mga badil asin pampasabog kaibahan na man an bandera kan ISIS.
