NAGA CITY- Irido an duwang persona kabale na an 6-anyos na aki makalihis na pagbabadilon an saindang harong sa ciudad nin Lucena.
Sa nakuang impormasyon kan Bombo Radyo Naga, napag-araman na nagtuturog sa saindang harong sa barangay Dalahican an 23-anyos na daraga asin an 6-anyos na aki kaini kan bigla na sana suboot sindang nakadangog nin ribok ang anim na taong gulang na anak nito nang bigla na lamang umano silang nakarinig ng ingay asin an sunod sunod na putok nin badil.
Pinurbaran kan daraga na protehiran an saiyang menor de edad na aki alagad tinamaan pa nanggad an mga ini nin bala sa saindang mga bitis.
Narekober kan mga otoridad an sampulong basyo nin bala para sa cal. 45 na badil asin an tolong mga deformed slug sa parehong klase nin badil.
Marikas man na nakadulag an dae pa nabibistadong mga armadong suspek makalihis an pambabadil.
Sa ngonyan, nagpapadagos pa an pigkokondusir na imbestigasyon kan mga otoridad para sa marikas na pagkakabistuhan asin pagkakadakop kan nakadulag na mga suspetsado.
