NAGA CITY- Inarestar kan mga kapulisan an sarong padre de pamilya makalihis na lugusan kaini an saiyang esposa asin aking babae sa Gumaca, Quezon.
Sa nagunong impormasyon kan Bombo Radyo Naga, napag-araman na nagtuturog an 19-anyos na daraga kan bigla na sanang maglaog an saiyang 43-anyos na ama sa saiyang kwarto.
Dinara suboot an daraga sa kwarto kan saiyang 39-anyos na ina asin digdi na sinda magkasunod na nilugusan kan padre de pamilya.
Pighumaan pa sinda kan suspek na gagadanon kun dae masusunod an saiyang kamawotan.
Huli sa labing takot, mayo ng nagibo an mag-inang biktima.
Nagluluwas man sa imbestigasyon kan mga kapulisan na kan taong 2014 pa kan punan na lugusan kan suspek an saiyang aking daraga.
Sa ngonyan, nagtitinir na sa kostudiya kan mga kapulisan an suspek na nahahampang sa suruon suon na kasong igwang koneksyon sa physical asin sexual abuse.
