Pigyugo-yugo kan magnitude 6.1 ang kadagatang parte kan Probinsya kan Catanduanes.
Sa Intrevista kan Bombo Radyo Naga ki Dr. Paul Alanis, Resident Volcanologist- PHIVOLCS nairehistro an epicenter sa 76km norte-sirangan kan Bagamanoc, Catanduanes.
Tectonic ang ginikanan kan linog asin namatean an Intensity IV tremor sa Virac, Catanduanes; asin Tabaco City, Albay.
An Intensity III nairehistro asin namatean sagkod sa Mercedes, Camarines Norte; Caramoan asin Sagñay sa Camarines Sur; asin Sorsogon City, Sorsogon.
Namatian man ang Intensity II sa Iriga City, Ragay, Sipocot, Legazpi City, San Roque sa Northern Samar asin General Nakar sa Quezon.
Mantang nairehistro man ang intensity I sa Jose Panganiban, Camarines Norte; Claveria sa Masbate; Bulusan asin Irosin sa Sorsogon asin Gandara sa Samar.
Naghaloy man ang nasambitan ng paglinog nin pirang segundo.
Katakod kaini, nagkaigwa man nin magnitude 3.0 ang aftershocks kan nasambitan ng paglinog.
Mientrastanto, mayo mang pigsarigan na danyos gikan sa linog alagad pig-abisohan na sana ni Alanis an publiko na magin preparado asin magsunod sa building code, gibuhon an duck, cover and hold procedure asin dae maghiro hasta dae pa natatapos an paglinog.
Sa ngunyan, padagos man soboot an isinisagibong monitoring kan PHIVOLCS sa mga earthquake, volcanic eruption asin tsunami sa saindang nasasakupan.
