Pigyugo-yugo kan magnitude 6.2 na lindol an kanlurang rehiyon kan Chugoku sa Japan ka nakalihis na Martes, na sinundan kan serye kan makukusog na aftershocks, sigun sa Japan Meteorological Agency (JMA).
Sinaysay kan ahensiya na an epicenter kan linog an nairehistro sa sirangan na parte kan Shimane prefecture.
Mayo man huma kan tsunami kasunod kan pagyugo-yugo.
Kinumpirmar man kan Japan’s Nuclear Regulation Authority na mayo ining nanutaran na anumang iregularidad makalihis an linog.
Naikurit an linog sa seismic intensity na upper-5 sa 1 hasta 7 na scale kan Japan.
Mientrastanto, pig-anunsyar kan West Japan Railway na paramientras sinuspinde an oprasyon kan Shinkansen bullet train sa tahaw kan ng Shin-Osaka asin Hakata komo pag-iingat kasunod kan linog.
Bistado an Japan komo saro sa mga nasyong pinaka-aktibo sa seismic activity sa kinaban. Pigkakarkulong poco mas o menos saro hasta lima kan mga linog an igwang kusog na magnitude 6 o labi pa sa bilog na kinaban an nagaganap sa Japan.
