Pigyugoyugo kan makusog na linod an Myanmar ngunyan na aldaw nin Biyernes.
Igwa ini nin kusog na 7.7 magnitude asin nagtama sa hilagang Myanmar, na namatean hasta sa Bangkok, Thailand.
Igwa ini nin rarom na 10 km (6.2 milya). Asin pigsunudan kan sarong makusog na aftershock.
Sa distrito kan Chatuchak, bumagsak an sarong halangkaw na edificion na pigpapatindog pa sana.
Nagkawsa ini nin takot sa mga tawo kaya nagdalagan an mga ini paluwas sa mga istraktura.
Mayo pa nin opisyal na report dapit sa mga nagadan, nalugadan asin sa danyos na pigwalat kaini.
