NAGA CITY – Sugatan ang isang magsasaka matapos na pagtatagain ng kapwa magsasaka sa Barangay Yawe, Padre Burgos, Quezon.
Kinilala ang biktima na si Ruel Ursabia, 47-anyos residente ng nasabing lugar.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na pumunta ang suspek na si Cielo Atelano sa bahay ng biktima.
Sa inisyal na imbestigasyon ng mga awtoridad, napag-alaman na bigla na lamang umanong tinaga ng suspek ang biktima dahilan upang magtamo ito ng tama sa ulo at kaliwang tuhod nito.
Agad naman umanong dinala sa ospital ang biktima para sa asistensya medikal.
Sa ngayon, nagpapatuloy pa ang imbestigasyon ng mga awtoridad maging ang pagtukoy sa posibleng kinaroroonan ng suspek na agad namang tumakas matapos ang nasabing insidente.
