NAGA CITY – Sugatan ang isang magsasaka matapos pagsasaksakin ng kainuman sa Barangay Capalong, Real, Quezon.
Kinilala ang biktima na si Lando Francisco, 71-anyos, residente ng naturang lugar.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na habang nag-iinuman ang biktima at ang suspek na si Jun Delos Santos, 43-anyos, residente ng Purok Ilang-ilang A, Barangay Poblacion Uno, sa naturang bayan nang magkaroon ang mga ito ng hindi pagkakaintindihan na nagresulta sa pananaksak ng suspek kay Francisco.
Sa inisyal na imbestigasyon ng mga awtoridad, nabatid na dahil sa naturang insidente, nagtamo ng sugat sa kanang bahagi ng kaniyang dibdib ang biktima na agad namang dinala sa ospital para sa asistensya medikal.
Sa ngayon, nasa kustodiya na ng mga awtoridad ang mga suspek para sa karampatang disposisyon.
