NAGA CITY-Pigklaro ngunian kan kampo ni Vice President Leni Robredo na bako sana sa resulta kan recount an magigin basehan kan electoral protest ni dating Sen. Bongbong Marcos.
Sa entrevista kan Bombo Radyo-Naga sa legal counsel kan bise presidente na si Atty. Bernadette Sardillo, sinaysay kaini na sa oras na matapos an gigibuhon na manual recount sa mga balota gikan sa mga probinsya kan Negros Oriental, Iloilo asin Camarines Sur, kaipuhan na mapatunayan kan kampo kan dating Senador na nagkaigwa talaga nin dayaan sa nasambitan ng mga lugar.
Dawa kompyansang mapabor sa kampo ni Robredo an resulta kan recount, tinawan duon ngunian ni Sardillo na enkaso bako an piglalaoman nindang resulta an kaluwasan kan recount, dae soboot digdi matatapos an laban.
Haloy pa soboot an proseso kan protesta asin makalihis na mabuksan an gabvos na mga ballot boxes gikan sa tolong probinsya, hihilingon pa soboot kan Presidential Electoral Tribunal (PET) kung may merito an electoral protest ni Marcos.
Pinatanidan man ni Sardillo an publiko na dae basta-basta magtubod sa mga ipinaluluwas na mga press release asin impormasyon kan ibong na kampo huli ta nag-iiba soboot an estorya na pifgpapaabot kan dating Senador kumpara sa totoong nangyayari sa nagpapadagos na electoral protest.
