Magkaibahan nang makawat an magtugang na NBA players na sinda Seth Curry asin Stephen Curry makalihis na magpirma si Seth komo free agent sa Golden State Warriors.
Ngunyan na taon an ika-16 season na ni Stephen Curry sa GSW puon kan ma-draft kan 2009, kun saen naabot man kaini an 4 na championships, 1 Finals MVP, asin 2 Season MVP awards.
Mientrastanto, ini man an ika-11 season ni Seth Curry, na huring nagkawat para sa Charlotte Hornets kun saen nakapagrehistro ini nin average na 6.5 points, 1.7 rebounds, asin 45.6% shooting gikan sa 3-point line.
Ini na an ika-23 na pagkakataon sa NBA na igwang makawat na magtugang sa saro sanang koponan.
Para sa 2025–26 season, an magtugang na Curry an magigin ikatolong tandem kasunod ninda Giannis asin Thanasis Antetokounmpo kan Milwaukee Bucks, asin Franz siringman Moritz Wagner kan Orlando Magic.
