NAGA CITY- Ikukundusir sa maabot na aldaw nin Sabado, September 6, 2025 an citywide clean up drive sa siyudad nin Naga.
Ini an papartisiparan kan gabos na opisina kan City Hall, City officials, mga empleyado, government offices, NGO, multi sectoral groups, 27 barangay, eskwelahan asin iba pa.
An nasambitan ng mahewasang clean up drive an komo preparasyon kan lokal na gobierno kan siyudad nin Naga sa papaabuton na Penafrancia Fiesta tanganing masierto na magigin malinig an lugar partikularmente na an kasentruhan antes an kasiributan.
Marurumduman, an bulan nin Setyembre an pigdeklarar komo sarong clean up drive month kun kaya maserbe man ining partisipasyon para sa pag-enganyar sa publiko na makisumaro sa pagmantinir kan kalinigan kan kapalibutan.
Mientrastanto, an aktibidad na ini an mapuon alas 6 nin aga kun saen igwa naman designated areas an mga mapartisipar asin mga volunteers.
Magayon soboot ining paagi tanganing liwat na itatak sa isipan kan publiko an pagigin responsable sa kapalibutan kun saen antes an dakulang aktibidad nasisierto na marhay asin malinig an bilog na siyudad nin Naga.
