NAGA CITY- Nakaapektar an kadakol nin mga transaksyon sa darakulang nasyon huli sa large-scale IT outage.
Kabali na digdi an nasyon kan Estados Unidos, United Kingdom Australia asin Pilipinas. Magin man an dambuhalang kompaniya worldwide.
Kun saen, naggikan an nasambitan ng huma sa Microsoft services gikan sa CrowdStrike
Nagresulta ini sa grounding kan flights sa Estados Unidos, kun saen ribu-ribo an dae makabyahe asin nagtinir sa mga palupadana.
Sa United Kingdom man an nagpalya an TV broadcast asin iba pang operasyon.
Mantang sa telecommunications man naapektaran an Australia.
Mientrastanto, naapektaran man an pirang flights sa Pilipinas siring kan Cebu Pacific and AirAsia Philippines na naggagamit kan kaparehong software na nagkaaberya sa ibang mga nasyon.
Apwera pa digdi, apektado man an pirang bangko. Huli digdi, dae makapagpadagos sa transaksyon an kadakol na mga negosyo asin customer ninda.
Katakod kaini, pig-iimbestigaran na kan mga eksperto an nasambitan ng pangyayari.
