Ikinagadan kan siyam na katawo an nangyaring mahewasang pagbaha sa Thailand kun saen 553, 921 na kaharongan an naapektaran mantang 13,000 katawo man sapiritang piglikas.
Sigun sa mga otoridad walong probinsiya an apektado kan nasambitan ng mahewasang pagbaha kun saen pigsugo na an manlaen-laen na ahensiya duman para sa tulos na tabang na kinakaipuhan kan mga residenteng naapektaran kan nasambitan ng mga pagbaha.
Mientrastanto, duwang ospital man harani sa probinsiya kan Pattani an pigsuspindir an operasyon huli sa pagpreparar kaini sa baha tanganing malikayan man na maraot an saindang mga medical facilities.
Basado sa Meteorogical Department kan Thailand, an naeeksperyensiyahang habagat sa nasyon an huli sa bunsod kan climate change asin pig-aabisuhan man an mga residente sa lugar na mantinirong naka-preparar sa magigin epekto kan makukusog man na pag-uran soboot sa masunod na semana.
Pigsugo man ni Thai Prime Minister Paetongtarn Shinawatra an mga otoridad kaini sa tulos na aksyon asin pagtabang para sa gabos kan mga naapektaran kan mahewasang pagbaha.
