Nagsasagibo nin mahewasang reporma an Bureau of Customs (BOC) sa saindang ahensiya alinsunod sa direktiba ni Presidente Ferdinand R. Marcos Jr. na linigon an ahensiya gikan sa katiwalian asin ibalik an tiwala kan publiko.
Sigun ki Customs Commissioner Ariel Nepomuceno an mahewasang reporma na nakatuon sa bilog na automation, transparency, asin man accountability an obhetong pakarhayon an sistema asin man mawara an pagkakataong magkaigwa nin pang-aabuso.
Sinaysay kan opisyal na an automation an saro sa dalan pasiring sa pagbabago kun saen kaiba igde an bilog na operasyon kan Customs gikan sa goods declaration asin man risk management hasta sa cargo examination, pagbabayad, asin pagpapaluwas nin kargamento.
Sa irarom kaya kaini, mababawasan an hampangan na transaksyon asin man magpaparikas kan serbisyo.
Makakatabang man soboot ini tangani malikayan an mga pagka uktaba asin an mga balakid sa daloy kan sistema.
Enot na man na ipinagsugo ni Nepomuceno an paramientras na suspensyon kan pag-iisyu nin Letter of Authority (LOA) para sa inspeksyon kan mga bodega tangani siertuhon na ini an makatarungan asin kinakaipuhan.
Mientrastanto, pinagbawalan na an mga empleyado kan BOC na magin customs broker tangani man maiwasan an conflict of interest mantang ipinautob man an tulong taon na bisa kan BOC accreditation para sa mga importer asin exporter.
