NAGA CITY- timbog sa ikinasang buy bust operation ng mga awtoridad ang dalawang lalaki sa Lucena City.
Kinilala ang mga suspek na sila alyas “Bingot,” 33-anyos, residente ng Barangay Cotta, Lucena City, at alyas “Nads,” 30-anyos, residente ng barangay 10, sa nasabing lungsod.
Sa nakalap na impormasyon ng Bombo Radyo Naga sa Quezon Police Provincial Office, napag-alaman, na nakuha sa mga suspek ang buy bust money ng poseur buyer na nagkakahalagang P12,000 at ang pinaghihinalaang shabu na may bigat na humigit-kumulang 30 grams at nagkakahalagang P621,000.
Sa ngayon ay nasa kustodiya na ng mga otoridad ang dalawa para sa karampatang disposisyon.
