Aram baya nindo mga KaBombo, nabigla asin nangalas an mga researcher sa Spain na nagsasagibo nin pag-aadal dapit sa mga pating mantang nasa irarom sinda kan dagat huli sa biglang pagpahiling kan mailap na sira na pigbansagang “Sea devil.”
Pigsasabing nagsasagibo nin pag-aadal sa parte kan Canary Islands an mga researcher kan NGO na Condrik Tenerife, kan magpahiling sa sainda an sarong Melanocetus johnsonii, na pig-aapod na “sea devil” asin “black sea monster.”
An pagkakua kan nasambitan ng sira na buhay asin naglalangoy an pinagtutubudan na kaenut-enuti.
Kadalasan kaya na nahihiling an mga Melanocetus johnsonii sa irarom kan dagat na yaon sa 200-2,000 meters, na haros dae na naabot kan liwanag kan saldang. An mga specimen o gadan na klase kaini an kadalasan man nahihiling sa mga museum.
“This could be the first recorded sighting in the world of an adult black devil or abyssal anglerfish (Melanocetus johnsonii) alive, in broad daylight and on the surface.” sigun pa sa Condrik Tenerife.
“The reason for its presence in such shallow waters is uncertain. It may be due to illness, an upwelling current, fleeing a predator, etc.,” dugang pa kaini.
An na-videohan na devil fish, pirang oras man sana nagtinir na may buhay. Nagadan an nasambitan ng sira harani sa surface kan dagat.
“It was in poor condition and only survived for a few hours. It’s an extremely rare and isolated sighting,” Laia Valor, Marine Biologist.
Pigdara kan research team an lawas kan pambihirang sira sa Museum of Nature and Archaeology tangani mapag-adalan.
Hasta kan nakalihis na aldaw nin Pebrero 11, nagtitinir na misteryo kun ano an rason sa pagpasiring kan sira sa mas hababaw na parte kan dagat.
An mga babaeng Melanocetus johnsonii an bistado huli sa saindang dorsal appendage na nag-iilaw tangani maka-attact nin prey siring kan saradit na sira asin crustaceans.
